Talk To Ta Tut : Talk To Ta Tut

Chyu rum hte Dai rum

2008-09-15T13:27:18Z

Ta Tut

Kachin Road Group

15/9/2008

An-hte Jinghpaw Wunpawng sha ni gaw an-hte a kahpu kanau daw ang ai lam ni hpe tsun yang Chyu rum Wunpawng sha ni nga tsun tsun re ai hpe mu lu ai. Ndai lam hte seng nna la chyum hpe a tsawm sha myit yu yang grai lachyum kaba ai hpe mu lu ai majaw n dai laika ngau hpe ka dat ai hku re.

An-hte ni yawng myit yu ga. Chyu rum an nau ni kun shing n rai Dai rum an nau ni kun? Lai wa sai 1995 ning hta sadung ga e rawtmalan manau dum ai shaloi dai manau hpe Dai rum manau ngu shaming lai wa sai hku re. Ndai zawn dai rum manau ngu shaming ai gaw an-hte Jinghpaw Wunpawng sha ni gaw chyu sha rum ai ni n re ai sha shadai rum ai kanu langai a kasha ni re ai lam hpe madun mayu ai majaw re lam chye lu ai hku re.

Chyu rum ai gaw masha wa a kasha (Maigan a myu sha) hpe mung chyu shajaw ya yang gaw chyu rum ai ga rai sai hku re. Rai tim Dai rum ngu tsun dat ai hte shadai rum let kanu langai kaw na sha shangai pru wa ai kahpu kanau majing ni re ai hpe tsun mayu ai hku re. Dai majaw an-hte Dai rum jinghpaw Wunpawng sha ni gaw shada da galoi mung garum hkat ra ai. Myit hkrum let maigan wa hpe ti nang a mungdan kaw na lawan ai hku gau kau ra. Ti nang a kanu mungdan hpe masha wa a lata de gaw n mai bang kau na re ngu......

Tsin yam ni kawn lawt hkra

2008-08-23T18:23:05Z

Ta Tut

Kachin Road Group

23/8/2008

Dai ning laman e Mungkan ga e masha law law si jawng ai baw tsin yam kaba ni hkrai hkam sha nga ai hku re. Ndai tsin yam ni hpe hkam sha nga ai hta an-hte Jinghpaw Wunpawng sha ni mung lawm nga ai hku re. Miwa Mungdan hta mung lai wa sai May shata hta bin lai wa ai, n myit mada da ai sha du sa wa ai Nnang nawn tsin yam kaba a majaw masha 70,000 jan si jawng ma ai hte masha law law mung dum nta sha mat, hkala n ba hkrum let grai yawn na zawn rai hkra bin lai wa sai hku re.

Dai zawn Miwa ga e nnang nawn rai n bin shi yang Myen Mungdan lawu mung de mung Nargis laru kaba bin ai majaw masha 100,000 jan si ma ai hte ya du hkra masha law law wa naw jam jau hkrum nga ai hku re. Ndai zawn sha Asia Mungdan law law e n dai laman nnang nawn, bawm kapaw, mung masa lam shuk, laru kaba ni bin rai grai nan yawn na zawn re ai mabin in Mungdan law malawng kaw bin nga ai hku re. Ya hten mung Myen Mungdan a mungdaw langai rai nga ai Hkang Mungdaw hta hku hku ai majaw malu masha grai yak hkak nga ai hte masha ni mung si jawng ma wa ai hpe mung chye na sai.

Ndai hta ya ten Jinghpaw Wunpawng Mungdan hte Miwa Mung ga jarit na mare kaba ni rai nga ai Yingjiang, Dali, hte Laiza mayan e mung nnang nawn bai bin nga ai hte masha 3 si mat sai re lam chye lu ai hku re. Dum nta n kau mi gaw hten zar mat ai kaw du hkra jam jau nga ma ai hku re. Ndai zawn Mungkan ga e zing ri hkrum nga ai hta she an-hte shing gim masha sha da da sat hkat, nat hkat ai lam ni mung grau grau law wa ai hep mu lu ai hku re.

Goregia hte Russia hpyen dap ni, Goregia Mungdan a laknak lang rawt malan hpung langai a mang hkang a majaw ya hte sha manu mana gap hkat lai wa sai re. Ya du hkra simsa lam la ai rai tim shada da naw a daw hkat nga ai a ten re. Ndai majan a majaw masha mung law law si mat sai lam shiga ni kawn chye lu ga ai. Mungkan ga e zing ri yang zing ri, shing n rai shing gim masha shada da zing ri hkat nga ai prat de gale wa ai hku re.

Ndai zawn shada da zing ri hkat nga ai lam hta an-hte Jinghpaw Wunpawng myu sha ni mung hkam sha nga ai hku re. Hpa majaw ta nga yang Myu tsaw mung tsaw masu ni hte Asuya galaw nga ai gwi ni dip sha ai lam ni a majaw re. Ya hte sha na lu ai shiga, Nhkum Hkawn Din (Asak 15) hpe Myen hpyen la ni roi rip sat kau ai mabin ni hpe na lu ai majaw mung grai myit yawn ai hte maroi nri rai nga nngai. Myen Asuya gaw ndai ning laman Jinghpaw Wunpawng sha ni hpe dip sha ai lam hta grau grau jat wa gaw yawng mu lu ai hte maren rai nga ai.

Mungkan a zing ri ai Nnang nawn, laru kaba ni a majaw an-hte ni jam jau hkrum nga ga ai rai yang gaw dai ram maroi nri ai lam n nga na re. Ya na zawn shing gim masha shada ndai zawn masha myit n rawng ai zawn rai dip lu dip sha nga ai gaw Karai Kasang mung n ra sharawng na re ngu kam ai. Ya na zawn Myen ni an-hte myusha ni hpe dip sha ai lam hta grau grau jat wa ai gaw Wunpawng Mungdan Shawnglawt hpung ni myit n hkrum ai hte htum bru htum bra rai nga ai a majaw rai na re ngu myit sawn lu ai hku re.

Moi shawng de simsa lam nnan la ai shaloi Myen gaw an-hte Wunpawng sha ni hpe roi rip ai lam ni nau n galaw gwi ai hte hku hkau ai lam hpe grai nan si manyi ai hku kanawn mazum lai wa sai hpe mu lu ai. Dai hpang e u hpung ni law law wa garan mat ai hte shada da n ju hkat hkra Myen gaw kata lam chying lau ai hte amyu shada da sat hkat nat hkat na matu hkrai hkrai galaw nga ai hku re. Ya hten hta e KDA, NDAK, La Sang Awng Wa hpung ni gaw Myen wa a n pu de n dum shmyi shang wa ai hpe shan hte pyi n chye nga ma ai.

La Sang Awng Wa hpung ni garan mat ai kaw na an-hte Jinghpaw Wunpawng sha ni hpe Myen ni dip sha ai lam grau grau law wa ai ngu maram lu ai hku re. Ndai gaw La Sang Awng Wa hpung ni myu shada dip sha nga ai lam ni a majaw rai na re ngu mung kam ai. Hpa majaw ndai zawn mara shagun tsun ai rai ta nga yang, ti nang up hkang nga ai buga hpe rawt galu kaba wa hkra galaw na malai hpyen ngun ja hkra mung shawa ni kawn, htaw ra zing la, htaw ra galaw shangun rai dip sha nga ai ni hpe mu lu ai majaw re.

Ndai hta Myen a garum ai lam lu la hkra mung Myen e shangun ai yawng ngu na hpe galaw ya nga ai lam ni mung nga ai. Hpyen palawng tsawm tsawm re ai hpun nna Myitkyina manau hta manau lu nau ai hpe ti nang hkrai ti nang Asuya langai zawn re mu mada nga ai lam ni a majaw mung rai na re. Ndai zawn galaw nga ai lam ni gaw Mungmasa lam galaw nga ai u hpung langai hte n bung ai sha Maigan hkan na zawn Ganstar kaba langai zawn rai nga ai hpe ti nang hkrai ti nang dum nga yang gaw grai mi she kaja na.

Ndai sha nnga ti nang Shawnglawt hpung kanu rai nga ai Wunpawng Mungdan Shawnglawt Asuya KIO/A mung mung shawa ni ra sharawng ai lam ni hta gwi gwi tsap nang ai lam ni nau n nga wa ai daram rai wa ai hpe mung maram lu ai hku re. Hpa majaw ta nga yang lai wa sai Myen a Mungdan gaw da tara ra lata poi hta madi shadaw ai lam ni gaw n galaw ging ai lam ni rai na re ngu mung mu mada ai majaw re. Bai ti nang up hkang gin ra hta amyu sha ramma ni law law wa hten zar wa ai hpe madang du hkra n pat jasan ai lam ni a majaw mung rai na re ngu kam ai.

Ndai zawn amyu sha ni a gawng malai u hpung ni wa mung masha a madi shadaw ai lam ni n lu ai sha ti nang ra sharawg ai lam ni hpe sha tam nga yang gaw an-hte myit mada da ai Wunpawng Mungdan gaw du na grai naw tsan la nga ga ai. Tsan ai ngu ai hta kade mi rai a ta? 10 ning kun? 50 ning kun? 100 ning kun? 1000 ning kun? Bai myit yu ga. An-hte du daw sai hkaw ai lam ni gaw grai law mat sai. An-hte rawt malan a matu jaw da ai a rang ni grai law mat sai. Na a arang gaw a myat n pru nga ai hpe dum nga ai kawn Wunpawng sha ni myit yu ga.

Myu sha rawt malan lam n awng dang ai gaw Mungmasa u hpung u hpawng ni a majaw hkrai gaw nrai nga ga ai. An-hte mung masha ni mung marai kade wa mi rawt malan lam hta myit lawm let madi shadaw ga a ta? A myu sha langai mi rawt galu kaba wa na matu gaw u hpung u hpawng langai hkrai sha galaw ai lam hte awng dang na gaw n mai bin nga ga ai. Mai kaja ai lam a majaw kalang lang gaw masha wa a npu e mung nga ra ga ai. A ten tup ti nang hkrai n tsa kaw gaw n mai nga na re ngu mung kam ai.

Tsun ga nga yang ya ten an-hte Wunpawng sha ni gaw lawu mung ga na Aung San Su kyi a hpung rai nga ai NLD ni ra sharawng nga ai hte maren Myen Mungdan hpe Democracy lu hkra galaw la ga ngu ai gaw mai kaja ai lam gaw rai nga ai. Rai tim an-hte ra sharawng ai gaw hpa rai a ta? Myit yu ga, nang Democracy mi lu tim masha wa a mayam tai nga ai majaw n kam hkam nna rawt malan bu nga ai Mungdan ni mungkan hta grai law nga ai. Nang Democracy lu tim masha wa a mayam gaw mayam sha re.

An-hte myu sha ni gaw Hkrisatan law ai a myu re ga ai. Aung San Su Kyi wa shi mung da hpe Democracy lu jang Bukda mungdan ngu ai mying hpe galai ya na da i? Shing gim masha langai mi ngu ai gaw ti nang hkam hpa nga ai makam masham langai mi hpe yawng a ntsa e sha tawn da myu ai baw hkrai rai nga ai. Myen ngu ai ni gaw mung masha hte Asuya a myit jasat langai sha re. Ya ten hta e Asuya kawn yang hpe dip sha nga ai majaw sha yawng mayawng maren sha re ai zawn zawn rai nga ai re. Lama wa mungdan Democracy lu mat tim an-hte Jinghpaw Wunpawng sha ni gaw masha wa a mayam naw tai nga ra na re.

Democracy lu mat ai hpang she an-hte ni an-hte na mungdan an-hte ra ga ai law ngu nang kade mi jahtau tim Mungkan ga gaw nang hpe n madat sana sha re. American law EU law UN law nga ai ni mung yawng mayawng na a mara hkrai shadu mat na ndai. Dai re ai majaw ya ten kaw na Mungdan lu hkra shakut la let Democracy ngu ai hpe ti nang a Jinghpaw Wunpawng Mungdan kata e ti nang hkrai ti nang bang la ga. Masha wa sa law nga yang sa ai baw gaw n mai na re.

Ndai zawn mungdan kasat la ga nga yang Mung shawa a ngun hkrai gaw n mai na re. U hpung U hpawng langai hkrai a a tsam rau sha mung gaw n mai na re. Yawng rau sha jawm kasat la ra ga ai. Dai rai yang she lahta e kada ai hte maren masha ni dip sha ai lamni a tsin yam kaw na lawan ai hku lu hpru wa na re ngu kam ai. KNU ni ya du hkra hpa majaw masha wa hpe lu gum lang ai hte masha wa a mayam n tai ai rai ta nga yang KNU gaw Aung San Su Kyi hpe mung madi shadaw ai lam ni loi li nga ai zawn ti nang a makau e nga ai Mungdan ni hte kanawn mazum ai lam masan sa ai a majaw mung re.

KUN hte gajarit rai nga ai Thai mungdan a garum ai lam KNU ni gaw law law lu la ai hte laknak ni mung grai kumzup nga ai hku re. Mung shawa mung madi shadaw ai hte U hpung U hpawng shada da kanawn mazum ai lam ni grai hkrak ai majaw re. (Ndai hta DKBA ngu ai ni n lawm ai hku re) Shan hte mung Myen mung Demoracy lu hkra sha kasat nga ai gaw n rai na re ngu kam ai. Mung shawa mung Myen Mung Democracy sha lu ai hte gaw n myit dik na re ngu kam ai.

Hpa hpe tsun mayu ai ta nga yang ya ten an-hte Jinghpaw Wunpawng sha ni gaw kadai a madi shadaw ai lam mung n nga ai sha ti nang lagaw ti nang tsap nga ai gaw yawm mung n yawm, jat mung n jat wa ai baw masa rai nga ai ngu kam ai. Ngai laika shiga nkau mi hpe Miwa hte seng ai lam ni mara yang an-hte hpu nau n kau mi n ra sharawng ai hpe mung mu lu ai. (Rai tim shiga ngu ai gaw hpa baw shiga sha rai tim tang madun ai baw re ngu kam ai.) Ndai lam ni hpe yu dat yang an-hte Jinghpaw Wunpawng sha ni law malawng gaw Miwa hpe grai n ju ai zawn zawn re nga ai hpe mu lu ai hku re. Ngai Miwa ni kaja ai ngu n tsun nngai. Shaning shagu an-hte a mungdan kaw na n prang sut rai ni la hkawn mat mat re ai lam a majaw sha pyi Miwa ngu ai hpe grai n ju nga nngai.

Rai tim an-hte ni KNU zawn ti nang a mungdan hpe ti nang makawp maga la mayu ga ai rai yang gaw Miwa rau mung kanaw ra na re ngu kam ai. Tsun mayu ai gaw an-hte Jinghpaw Wunpawng Shawnglawt hpung ni mung Miwa hte kanawn let Miwa ni hte Myen ni n ju hkra galaw ra ai ngu kam ai. Hpa majaw ta nga yang, Myen ni ya du hkra Mungkan hta naw chying law sha nga ai gaw Miwa a majaw re ngu ai gaw yang chye ai hte maren rai na re ngu kam ai.

Ndai zawn Miwa hkaw na garum ai lam law law lu ga ai rai yang gaw nang ngai myit mada da ai Wunpawng Mungdan gaw kade myi n tsan na re ngu mung myit yu nga nngai. An-hte a buga e bin nga ai shing gim masha shada da zing ri hkat nga ai tsin yam ni gaw lawan ai hku hkoi mat na re ngu mung kam nga nngai. Shing n rai yang gaw an-hte ni gaw Myit mada da ai Democracy lu ai rai tim masha wa a mayam sha naw rai nga ra na re ngu kam ai.

(Ndai gaw Ngai (Ta Tut) a Mung masa myi jut sha re ai lam shana dat ai)

Yangon e masha sat mang hkang langai bin

2008-08-22T18:41:03Z

Ta Tut

Kachin Road Group

22/8/2008

Yangon, Thingankyun e nga ai nta langai mi na nta madu wa hte madu jan yan hpe sat kau ai hte 4 ning jan sha naw re ai ma hpe jahkrai bin shangun mat ai masat sat mang hkan langai bin nga ai lam Mizzima shiga dap kawn chye lu ai hku re. Ndai hta masha sat ai kadai re ai hpe mung ya du hkra rai n lu shagawn shi ai lam Yangon Balik ni kawn chye lu ai. Ndai mabin gaw n dai shata August 19 ya shani bin lai wa ai mang hkan langai mi re.

Thein Tun (Asak 44) hte madu jan Thet Thet Khaing (Asak 41) yang a moi mang hpe shan a dum nta rai nga ai Pyitharyar lam Pyidawthar lawk, Thingankyun e hting bu ni kaw na mu la ai re lam chye lu ai. Balik ni tsun ai hku nga yang ndai yan la a moi mang hpe n ta a htap lahkawn e mu la ai rai nna 4 ning re ai kasha hpe gaw nta makau hkan e nga hkawm ai shaloi hting bu ni mu la ai re lam matut chye lu ai.

Balik ni tsun ai hku nga yang n dai yan la gaw jahpaw maga e n ta e lagut shang ai n sen na ai majaw rawt wa ai rai nna lagut gaw n hkyi hte galun sat kau ai hku mai bin ai lam chye lu ai. Moi mang hpe Ye Wai lup wa kawng e dai ni makoi mayang lai wa sai lam matut manoi chye lu ai hku re.

Laiza Muklum nnang nawn ni jahkring hkring bin nga

2008-08-21T16:55:50Z

Ta Tut

Kachin Road Group

21/8/2008

Ndai shata 20 ya jahpawt 5:35 a.m aten hta e Laiza muklum hta magnitude 5.3 n gun nga ai nnang nawn langai mi bin lai wa ai hpe shawng e madun gut sai re majaw yawng chye na sai. Ndai Post hpe rai nka shi ai lai wa sai Minutes 30 jan hta e Laiza Muklum hta e magnitude 6 daram nga ai n nang nawn bin lai wa ai lam bai na lu ai hku re. Ndai lan hte hpawn rai yang 3 lang ngu na rai sai lam mung chye lu ai hku re.

Ndai zawn nnang nawn n gun ja wa ai hte shani shagu ngu na daram bin wa ai a majaw Laiza e nga ai buga masha ni hku nna myit tsang ai lam ni law wa ai lam chye lu ai hku re. Dai sha nnga Laiza e galaw da ai Munglai Hka wan jang kaba hpe mung tsang ra na re ai lam chye lu ai hku re.

Lai wa sai May shata e Miwa Mungdan Sichuan e bin lai wa sai nnang nawn kaba a majaw masha law law wa si jawng mat ai hte jam jau hkrum lai wa sai mabin a majaw mung yawng ma yawng grau sadi maja nga ai hku re.

Online social networking sites are hacker playgrounds

2008-08-09T20:12:42Z

Ta Tut

Kachin Road Group

9/8/2008

LAS VEGAS (AFP) - - Computer security researchers on Thursday warned that online social networking websites are playgrounds for hackers who can easily take advantage of people's trust.

Opportunities for mischief abound as users place intimate details of their lives on profile pages and install mini-applications made by strangers that don't always have their privacy at heart.

In a trend pioneered with tremendous success by Facebook, social networking websites have opened their operating platforms to let outside developers craft fun, hip, or functional software "widgets" that can be added to profile pages.

Malicious code can be hidden in such applications, computer security specialists Nathan Hamiel and Shawn Moyer said at a premier Black Hat conference in Las Vegas.

"I can't necessarily attack Facebook or MySpace, but I can attack their users all day long," Moyer told AFP. "Don't put anything on a Facebook account that you don't consider public."

People are prone to place faith in social networking widgets and links from friends, said Idea Information Security consultant Nathan Hamiel.

"People are going nuts adding applications they don't need," Hamiel told AFP.

"Every time they do that they are showing an implicit trust in whoever wrote the application, and most people don't know who that is."

Hamiel and Moyer showed peers software capable of plundering profile information, swiping people's "friends," or locking people out of their own MySpace pages.

A pair of MySpace engineers who attended the demonstration said that hacks are known risks in today's social platforms and that they had Hamiel's application deleted by the end of the talk.

Fake postings on comment boards advising people to update software are ways to trick social network users into downloading malicious software that can commandeer control of machines, Hamiel said.

"Social networks really don't care if you get pawned or not," Hamiel said, using slang referring to a computer user being dominated and humiliated by hackers.

"People know if they go on a computer and download a program they could get a virus. They don't have the same view of how dangerous that can be on a social networking site."

Hackers can write seemingly legitimate widgets that "go rogue" after spreading to enough social network members, according to Hamiel.

"It is not a problem with a particular site," Hamiel said. "It is a problem with social networking in general."

Even if tainted applications are deleted, the odds are that the data from profile pages was already copied onto an outside computer, according to Hamiel and Moyer.

"MySpace and Facebook have no control over my servers," Hamiel said. "Once the content is moved from their site they have no control over that."

Those thinking that they will stay safe by not having social networking pages may still vulnerable to trouble, according to the security specialists.

Another ruse is to create social networking profiles for people using information mined from the Internet and then for the imposters to send out "friends requests."

Those that take the bait give open doors to the private data in their profiles.

"We think you should make a profile for yourself before somebody else does," Moyer said. "Just don't put anything there that you don't consider public. And trust, but verify when people want to be your friend."

Source:: AFP

Fwd: Activists Call for Boycott of Burmese �Blood Jade� in Beijing

2008-08-07T17:39:11Z

Ta Tut
Kachin Road Group
7/8/2008

World Kachin Organization Site:: American Mungdan e nga ai Myen Mung the seng ai mung masa myit lawm ai ni gaw Miwa mung e galaw na Beijing Olympics hta dut na rai nga ai Jinghpaw Mung na lung seng ni hpe n mari na matu tsun shadum myit sharawt ai lam galaw nga ai hpe ndau laika langai shapraw wa ai hku re. Ndai n dau lai ka hpe lawu e madun da ai hku re. World Kachin Organization Site kawn copy galaw la nhtawm madun tawn ai hku re.

8-1-08Release BLOOD JADE - Upload a Document to Scribd

I am scary

2008-07-30T08:24:49Z

I am a bit scary about tomorrow exam. I don't have anything in my brain to take that exam. God help me with this again. I am sorry coz always i have to ask you help to do my thing.

What am I going to do with now. I am so hopless. Fucking education. Because of you, I always have to study, and i can't do naything i want. Fuck you education.

Jackie Chan will teach you how to make a movie like him :P

2008-07-29T05:31:11Z

I just find out some Jackie Chan's Movie making video clips and there are pretty good. I think director from our land also need to see it and make movie by Jackie Chan way. This is really nice. So I put a link in here for you guys to check out. You will love it. For the link please click here.

Ngai na Friendster Account Heck katut ai majaw delete kau sai

2008-07-27T16:22:08Z

Ta Tut

Kachin Road Group

27/07/2008

Yawng hpe sadi jaw mayu ai. Ndai laman Jinghpaw amyu sha Hecker nga ai zawn zawn re ai n sam hpe mu lu ai majaw yawng hpe shana dat ai hku re. Nang lama wa Friendster shing nrai Hi5 zawn re ai account ni nga yang m

Hpa majaw n dai zawn sadi jaw ai i nga jang, nye a Friendster account hpe heck katut ai majaw re. Ngai myit ai hku nga yang Nbwi Sam
a E-mail hpe heck ai wa mung n dai wa sha rai na kun ngu. Ndai hecker
wa gaw masha hpe grai shala mayu ai masa mu lu aih ku re. Nye a Friendster hta na Intresting button ni hpe galai da ai hte User name hpe mung galai da ai hpe mu lu ai.

Dai majaw nye a Friendster
account hpe kalang hta Delete galaw kau sai hku re. Loi li gaw n kam ai
zawn nga ai rai tim dai hku prang da yang grau yak wa na zawn nawn nna
delete galaw kau ai hku re.

Dai majaw Ndai laman ti nang n
chye ai E-mail ni du wa jang n hpaw ai sha kalang ta delete galaw kau
ga shing nrai Anti virus solfware hte shawng scan galaw nna hpaw ga.
Chat invite ni hpe mung n-chye ai masha kaw na rai yang kalang hta
delete galaw kau ga ngu yawn hpe tsun sha na dat nngai.

Yawng ngwi pyaw nga u ga.

Hello

2008-07-27T15:29:43Z

Shawng n nan ndai blog hpe hpa lu ai majaw K.K hpe grai chye ju kaba sai hku re. Ndai blog hta ngai Ta Tut hku nna nye a hkam sha lam ni hpe garan gachyan na matu re ai lam chye shangun dat nngai.

Gara hku mi rai yang rai, nye a lam, nye a hkam sha ai lam ni hpe n dai blog hta kabaw bang na matu re. Hti mayu ai ni mai hti ai hte n kam hti yang mung hkrup mara nga gaw hkum shatan re lu yaw :P . Yawng hpe grai chye ju kaba la sai.

Ta Tut